ಮೂರನೇ ಅಲೆ ಇಲ್ಲ ಎನ್ನುತ್ತಲೇ ಸಿದ್ಧವಾಗುತ್ತಿರುವ ಬಿಬಿಎಂಪಿ..!

ಬೆಂಗಳೂರು,(www.thenewzmirror.com):

ಕೋವಿಡ್ ಮೂರನೇ ಅಲೆ ಅಷ್ಟು ಎಫೆಕ್ಟ್ ಆಗೋದಿಲ್ಲ ಅಂತ ಹೇಳುತ್ತಲ್ಲೇ ಬಿಬಿಎಂಪಿ ಸದ್ದಿಲ್ಲದೇ ಸಿದ್ಧತೆಗಳನ್ನ ಮಾಡಿಕೊಳ್ತಿದೆ.., ಸಂಭಾವ್ಯ ಅಲೆ ತಡೆಯೋಕೆ ಬಿಬಿಎಂಪಿ ಕೈಗೊಂಡಿರೋ ಕ್ರಮಗಳ ಕುರಿತು ಒಂದು ವಿವರ..,

1. ಕಣ್ಗಾವಲು(ನಿಗಾ) ಮತ್ತು ನಿರ್ವಹಣೆ

Ø ಬಿಬಿಎಂಪಿ ಮುಖ್ಯ ಕಛೇರಿಯ ಕೇಂದ್ರ ವಾರ್ ರೂಂ 24/7 ಕೆಲಸ ಮಾಡುತ್ತಿವೆ.
Ø ಎಲ್ಲ 8 ವಲಯವಾರು ನಿಯಂತ್ರಣ ಕೊಠಡಿಗಳು 24/7 ಕೆಲಸ ಮಾಡುತ್ತಿವೆ.
Ø 27 ವಿಧಾನಸಭಾ ಕ್ಷೇತ್ರವ್ಯಾಪ್ತಿಯಲ್ಲಿ ಒಂದೊಂದು ನಿಯಂತ್ರಣ ಕೊಠಡಿಗಳನ್ನು ಇತ್ತೀಚೆಗೆ ಸ್ಥಾಪಿಸಲಾಗಿದೆ.
Ø ಎಲ್ಲ ಪಾಸಿಟಿವ್ ಪ್ರಕರಣಗಳ ದತ್ತಾಂಶಗಳನ್ನು ಪಡೆಯಲಾಗುತ್ತಿದೆ ಮತ್ತು ಪ್ರತಿ 27 ಆರೋಗ್ಯವೈದ್ಯಾಧಿಕಾರಿ ವ್ಯಾಪ್ತಿ, ಎಲ್ಲ 141 ಪ್ರಾಥಮಿಕ ಆರೋಗ್ಯ ಕೇಂದ್ರಗಳಿಗೆ ಕ್ಷೇತ್ರ ಭೇಟಿ, ಐಸೋಲೇಷನ್ ನಿಗಾ ಮತ್ತು ಫಿಸಿಕಲ್ ಟ್ರಯಾಜಿಂಗ್ ಗಾಗಿ ಹಂಚಿಕೆ ಮಾಡಲಾಗುತ್ತಿದೆ.
Ø ಈ ಉದ್ದೇಶಕ್ಕಾಗಿ 35 ಮಂದಿ ಅಧಿಕಾರಿಗಳ ಲಾಗಿನ್ ನೊಂದಿಗೆ ಇಂಡೆಕ್ಸ್ ಡೇಟಾಬೇಸ್ ಬಳಸಲಾಗುತ್ತಿದೆ.
Ø ದೈನಂದಿನ ಪಾಸಿಟಿವ್ ಪ್ರಕರಣಗಳು, ಟ್ರಯಾಜಿಂಗ್ ಮತ್ತು ಆಸ್ಪತ್ರೆಗೆ ದಾಖಲು ಮಾಡುವ ಬಗ್ಗೆ ನಿತ್ಯ ನಿಗಾ ಇಡಲಾಗುತ್ತಿದೆ.
Ø ಕಳೆದ 15 ದಿನಗಳಲ್ಲಿ ಕೋವಿಡ್ ಪ್ರಕರಣಗಳ ಸಂಖ್ಯೆಯು 200 ರಿಂದ 15,000ಕ್ಕೆ ಏರಿದೆ.
Ø ಕೋವಿಡ್ ಪ್ರಕರಣಗಳ ಸಂಖ್ಯೆಯು ನಿಧಾನವಾಗಿ ಹೆಚ್ಚುತ್ತಿರುವುದರಿಂದ ಆಸ್ಪತ್ರೆಗೆ ದಾಖಲಾಗುತ್ತಿರುವವರ ಸಂಖ್ಯೆ ಕಡಿಮೆ ಇದೆ.
Ø ಈ ಅಲೆಯಲ್ಲಿ ಆಮ್ಲಜನಕ ಮಟ್ಟ(Oxygen Saturation) ಕುಸಿತದ ಸಮಸ್ಯೆ ಕಂಡು ಬರುತ್ತಿಲ್ಲ.
Ø ಮಕ್ಕಳ ಪ್ರಕರಣಗಳು ಒಟ್ಟಾರೆಯಾಗಿ ಶೇ.12 ನಲ್ಲಿ ಇವೆ. ಗಮನಾರ್ಹ ಹೆಚ್ಚಳ ಕಂಡಿಲ್ಲ.
Ø ದೈನಂದಿನ ಪರೀಕ್ಷೆ ಸಂಖ್ಯೆಯನ್ನು 80,000 ದಿಂದ 1.3 ಲಕ್ಷಕ್ಕೆ ಹೆಚ್ಚಿಸಲಾಗಿದೆ.
Ø ಸಕ್ರಿಯ ಕಂಟೈನ್ಮೆಂಟ್ ಝೋನ್ ಗಳ ಸಂಖ್ಯೆ(12-01-2022ರಂತೆ) 483 ಇದೆ(ಟಾಪ್ 3: ಮಹದೇವಪುರ- 165, ಬೊಮ್ಮನಹಳ್ಳಿ- 114, ದಕ್ಷಿಣ- 53).

2. ಟ್ರಯಾಜ್ ವ್ಯವಸ್ಥೆ:

Ø ವಿಧಾನಸಭಾ ಕ್ಷೇತ್ರಗಳಲ್ಲಿನ ನಿಯಂತ್ರಣ ಕೊಠಡಿಗಳಿಂದ ಟೆಲಿ ಟ್ರಯಾಜಿಂಗ್ ಮಾಡಲಾಗುತ್ತಿದೆ(ಕರೆ ಮುಖಾಂತರ). ದೂರವಾಣಿ ಕರೆ ಮುಖಾಂತರ ವಿಳಾಸ ಪರಿಶೀಲಿಸಿ ಆರೋಗ್ಯ ಪರಿಸ್ಥಿತಿ ವಿಚಾರಿಸಿ, ಡೇಟಾಬೇಸ್ ನಲ್ಲಿ ದಾಖಲಿಸಲಾಗುತ್ತಿದೆ.
Ø ಎಲ್ಲ ಪಾಸಿಟಿವ್ ಪ್ರಕರಣಗಳಲ್ಲಿ ಪರೀಕ್ಷೆ ಫಲಿತಾಂಶದ 24 ಗಂಟೆಗಳ ಒಳಗೆ ಕಡ್ಡಾಯವಾಗಿ ಟೆಲಿ ಟ್ರಯಾಜ್ ಮಾಡಲಾಗುತ್ತಿದೆ.
Ø ಕಡಿಮೆ ಪ್ರಕರಣಗಳಿದ್ದ ಸಂದರ್ಭದಲ್ಲಿ ಫಿಸಿಕಲ್ ಟ್ರಯಾಜಿಂಗ್ ಮಾಡಲಾಗುತ್ತಿತ್ತು. ಈಗ ರೋಗಲಕ್ಷಣಗಳಿರುವ ವ್ಯಕ್ತಿಗಳಿಗೆ ಮಾತ್ರ ಮತ್ತೊಮ್ಮೆ ಅವರ ಮನೆ ಬಾಗಿಲಿಗೆ ಹೋಗಿ ಸಂಚಾರಿ ಟ್ರಯಾಜ್ ಘಟಕ(MTUs)ಗಳ ಮೂಲಕ ಫಿಸಿಕಲ್ ಟ್ರಯಾಜ್ ಮಾಡಲಾಗುತ್ತಿದೆ. ಪ್ರಕರಣಗಳ ಸಂಖ್ಯೆ(ಕೇಸ್ ಲೋಡ್) ಆಧಾರದ ಮೇಲೆ ಎಲ್ಲ ವಾರ್ಡ್ ಗಳಲ್ಲಿ 1 ಅಥವಾ 2 ಸಂಚಾರಿ ಟ್ರಯಾಜ್ ಘಟಕಗಳಿವೆ. ಬಿಬಿಎಂಪಿಯಲ್ಲಿ ಒಟ್ಟು 198 ವಾರ್ಡ್ ಗಳಿವೆ.
Ø ಹೈ ರಿಸ್ಕ್ ಎಂದು ಗುರುತಿಸಲ್ಪಟ್ಟ ಪ್ರಕರಣಗಳಲ್ಲಿ ಹಾಗೂ 60 ವರ್ಷ ಮೇಲ್ಪಟ್ಟವರು ಮತ್ತು ಅನ್ಯರೋಗಗಳಿರುವವರಿಗೂ ಫಿಸಿಕಲ್ ಟ್ರಯಾಜ್ ಮಾಡಲಾಗುತ್ತದೆ.
Ø ವೈದ್ಯಕೀಯ ಚೆಕ್ ಅಪ್ ಬಯಸುವ ರೋಗಿಗಳಿಗಾಗಿ ಎಲ್ಲ ಆರೋಗ್ಯ ವೈದ್ಯಾಧಿಕಾರಿ ವ್ಯಾಪ್ತಿಗಳಲ್ಲಿ ವಾಕ್-ಇನ್ ಸೌಲಭ್ಯದೊಂದಿಗೆ ಫಿಸಿಕಲ್ ಟ್ರಯಾಜ್ ಕೇಂದ್ರ(PTC)ಗಳನ್ನು ಸ್ಥಾಪಿಸಲಾಗಿದೆ.

3. ಆಸ್ಪತ್ರೆಗೆ ದಾಖಲು ಮತ್ತು ಹಾಸಿಗೆ ಹಂಚಿಕೆ:

Ø ಬಿಬಿಎಂಪಿ ನೇರವಾಗಿ ಆಸ್ಪತ್ರೆ ಮತ್ತು ಹಾಸಿಗೆ ನಿರ್ವಹಣೆ ಮಾಡುವುದಿಲ್ಲ. ಆದಾಗ್ಯೂ, ಸಾಂಕ್ರಾಮಿಕದ ಕಾಲದಲ್ಲಿ, ಅಗತ್ಯಕ್ಕೆ ಅನುಗುಣವಾಗಿ, ರಾಜ್ಯ ಸರ್ಕಾರವು ನಿರ್ದಿಷ್ಟ ಸಂಖ್ಯೆಯ ಆಸ್ಪತ್ರೆ ಹಾಸಿಗೆಗಳನ್ನು ಪಡೆದುಕೊಂಡು CHBMS ವ್ಯವಸ್ಥೆ ಮೂಲಕ ಬಿಬಿಎಂಪಿಗೆ ಹಂಚಿಕೆ ಮಾಡಿದೆ.
Ø ಈ ಹಂಚಿಕೆಯಾದ ಹಾಸಿಗೆಗಳ ಖರ್ಚನ್ನು ರಾಜ್ಯ ಸರ್ಕಾರವು ಸುವರ್ಣ ಆರೋಗ್ಯ ಸುರಕ್ಷಾ ಟ್ರಸ್ಟ್(SAST) ಮೂಲಕ ಭರಿಸುತ್ತದೆ.
Ø ಸರ್ಕಾರಿ ಆಸ್ಪತ್ರೆಗಳು ಮತ್ತು ಸರ್ಕಾರಿ ವೈದ್ಯಕೀಯ ಕಾಲೇಜುಗಳಲ್ಲಿ ಕೋವಿಡ್ ನಿರ್ವಹಣೆಗಾಗಿ ಮೀಸಲಿಟ್ಟ ಎಲ್ಲಾ ಹಾಸಿಗೆಗಳನ್ನು CHBMS ಮೂಲಕ ಹಂಚಿಕೆಗಾಗಿ ಪಡೆಯಲಾಗಿದೆ.
Ø ಖಾಸಗಿ ಆಸ್ಪತ್ರೆಗಳು ಕೇವಲ ನಿರ್ದಿಷ್ಟ ಸಂಖ್ಯೆಯ ಹಾಸಿಗೆಗಳನ್ನು CHBMS ಅಡಿಯಲ್ಲಿ ಹಂಚಿಕೆ ಮಾಡುತ್ತವೆ. ಉಳಿದ ಆಸ್ಪತ್ರೆ ಹಾಸಿಗೆಗಳನ್ನು ಸರ್ಕಾರ, ಬಿಬಿಎಂಪಿ ಮತ್ತು CHBMS ನ ಯಾವುದೇ ಶಿಫಾರಸು ಇಲ್ಲದೆ ನೇರವಾಗಿ ಕಾಯ್ದಿರುಸುತ್ತವೆ.
Ø ಇದುವರೆಗೆ ಒಟ್ಟು 28067 ಹಾಸಿಗೆಗಳನ್ನು ಗುರುತಿಸಲಾಗಿದೆ(ಸರ್ಕಾರಿ ಆಸ್ಪತ್ರೆಗಳ 3237 ಹಾಸಿಗೆಗಳು, ಸರ್ಕಾರಿ ವೈದ್ಯಕೀಯ ಕಾಲೇಜುಗಳ 2696 ಹಾಸಿಗೆಗಳು, ಖಾಸಗಿ ಆಸ್ಪತ್ರೆಗಳ 13540 ಹಾಸಿಗೆಗಳು ಮತ್ತು ಖಾಸಗಿ ವೈದ್ಯಕೀಯ ಕಾಲೇಜುಗಳ 8594 ಹಾಸಿಗೆಗಳು).
Ø ಇವುಗಳಲ್ಲಿ, ಇದುವರೆಗೆ 6255 ಹಾಸಿಗೆಗಳನ್ನು CHBMS ಮೂಲಕ ಹಂಚಿಕೆಯಾಗುವಂತೆ ಮಾಡಲಾಗಿದೆ. 362 ಹಾಸಿಗೆಗಳನ್ನು CHBMS(ಸರ್ಕಾರಿ ಕೋಟಾ) ಮೂಲಕ ಹಂಚಿಕೆ ಮಾಡಲಾಗಿದೆ.
Ø ಬೆಡ್ ಬುಕಿಂಗ್ ಅನ್ನು ವಿಕೇಂದ್ರೀಕರಣ ಮಾಡಲಾಗಿದೆ ಮತ್ತು ಎಲ್ಲ ಆರೋಗ್ಯ ವೈದ್ಯಾಧಿಕಾರಿ ವ್ಯಾಪ್ತಿಯಗಳಲ್ಲಿ 27 ವೈದ್ಯರುಗಳಿಗೆ ಲಾಗಿನ್ ಒದಗಿಸಲಾಗಿದೆ.
Ø ಖಾಸಗಿ ಆಸ್ಪತ್ರೆಗಳು ಮತ್ತು ಖಾಸಗಿ ವೈದ್ಯಕೀಯ ಕಾಲೇಜುಗಳ ವೆಚ್ಚ, ಶುಲ್ಕವನ್ನು ಸರ್ಕಾರವು ಸಮಯಾನುಸಾರ ನಿಯಂತ್ರಿಸುತ್ತದೆ. ಖಾಸಗಿ ಆಸ್ಪತ್ರೆಗಳು ಮಿತಿಮೀರಿ ವೆಚ್ಚ ಹೇರುವಂತಿಲ್ಲ.

4. ಹೋಂ ಐಸೋಲೇಷನ್ ಮತ್ತು ಕೋವಿಡ್ ಆರೈಕೆ ಕೇಂದ್ರಗಳು:

Ø ಕೋವಿಡ್ ಸೋಂಕಿತ ಶೇ. 90ರಷ್ಟು ಜನರಿಗೆ ಆಸ್ಪತ್ರೆಗೆ ದಾಖಲಾಗುವ ಅಗತ್ಯವಿರುವುದಿಲ್ಲ.
Ø ಬಹುತೇಕ ಪಾಸಿಟಿವ್ ಪ್ರಕರಣಗಳನ್ನು ಮನೆಯಲ್ಲಿಯೇ ಹೋಂ ಐಸೋಲೇಷನ್ ಮೂಲಕ ಗುಣಪಡಿಸಬಹುದು.
Ø ಹೋಂ ಐಸೋಲೇಷನ್ ನಲ್ಲಿನ ಪಾಸಿಟಿವ್ ಇರುವ ವ್ಯಕ್ತಿಗಳನ್ನು ಟೆಲಿ ಕಾಲಿಂಗ್ ಮೂಲಕ ಮತ್ತು ವಾರ್ಡ್ ಮಟ್ಟದಲ್ಲಿ ಬಿಬಿಎಂಪಿ ಆರೋಗ್ಯ ತಂಡಗಳಿಂದ ಕ್ಷೇತ್ರ ಭೇಟಿ ಮೂಲಕ ಮಾನಿಟರ್ ಮಾಡಲಾಗುತ್ತದೆ.
Ø ಹೋಂ ಐಸೋಲೇಷನ್ ನಲ್ಲಿರುವವರಿಗೆ ಅಗತ್ಯವಿದ್ದಲ್ಲಿ ಬಿಬಿಎಂಪಿ ನಗರ ಪ್ರಾಥಮಿಕ ಆರೋಗ್ಯ ಕೇಂದ್ರಗಳಿಂದ ಔಷಧ ಮತ್ತು ಹೋಂ ಐಸೋಲೇಷನ್ ಕಿಟ್ ಗಳನ್ನು ಒದಗಿಸಲಾಗುವುದು.
Ø ಹೊಸ ಮಾರ್ಗದರ್ಶಿ ಸೂತ್ರದ ಪ್ರಕಾರ, ಹೋಂ ಐಸೋಲೇಷನ್ ಅವಧಿಯು 7 ದಿನಗಳದ್ದಾಗಿರುತ್ತದೆ, 7 ದಿನಗಳ ಬಳಿಕ ಮತ್ತೊಮ್ಮೆ ಪರೀಕ್ಷೆ ಕಡ್ಡಾಯ. ಆ ಬಳಿಕ ಸೋಂಕಿತರು ನಿತ್ಯದ ಚಟುವಟಿಕೆಗಳನ್ನು ಪುನರಾರಂಭಿಸಬಹುದಾಗಿದೆ.
Ø ಹೋಂ ಐಸೋಲೇಷನ್ ನಲ್ಲಿ ಇರಲಾಗದವರಿಗಾಗಿ ಬಿಬಿಎಂಪಿಯಿಂದ ಕೋವಿಡ್ ಆರೈಕೆ ಕೇಂದ್ರ(CCCs) ಗಳನ್ನು ಸ್ಥಾಪಿಸಲಾಗುತ್ತಿದೆ. ಅಂತಹ 27 ಕೋವಿಡ್ ಆರೈಕೆ ಕೇಂದ್ರಗಳು ಸ್ಥಾಪಿಸಲ್ಪಡುತ್ತಿದ್ದು, ಇದೇ ಜನವರಿ 14 ರೊಳಗೆ ಕಾರ್ಯಾರಂಭ ಮಾಡಲಿವೆ.
Ø ಕೋವಿಡ್ ಆರೈಕೆ ಕೇಂದ್ರಗಳಿಗೆ ಹಾಸಿಗೆ ಹಂಚಿಕೆಯು CHBMS ಮೂಲಕ ಆಗುತ್ತಿದೆ. 27 ಆರೋಗ್ಯ ವೈದ್ಯಾಧಿಕಾರಿ ವ್ಯಾಪ್ತಿಗಳಿಗೆ CHBMS ಆಕ್ಸಸ್ ನೀಡಲಾಗಿದೆ.

6. ಸಹಾಯವಾಣಿಗಳು:

Ø ಟೋಲ್ ಫ್ರೀ ಸಂಖ್ಯೆ 1533 ಅನ್ನು 24/7 ಕಾರ್ಯನಿರ್ವಹಿಸುವಂತೆ ಮಾಡಲಾಗಿದೆ.(ಈ ಹಿಂದೆ ಕೋವಿಡ್‌ಗಾಗಿ ಬಳಸಲಾಗುತ್ತಿದ್ದ ಸಹಾಯವಾಣಿ ಸಂಖ್ಯೆ 1912 ಅನ್ನು ನಿಲ್ಲಿಸಲಾಗಿದೆ, ಆದರೆ ಅದೇ ಸಿಬ್ಬಂದಿಯೇ 1533 ರಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ)
Ø ಕೇಂದ್ರ ಸಹಾಯವಾಣಿಯ ಜೊತೆಗೆ, 8 ವಲಯ ಸಹಾಯವಾಣಿ ಸಂಖ್ಯೆಗಳನ್ನು ಸ್ಥಾಪಿಸಲಾಗಿದ್ದು, 24/7 ಕಾರ್ಯನಿರ್ವಹಿಸುತ್ತದೆ.
Ø ವಿಧಾನಸಭಾ ಕ್ಷೇತ್ರ ಮಟ್ಟ/ಆರೋಗ್ಯ ವೈದ್ಯಾಧಿಕಾರಿ ಶ್ರೇಣಿಯ ನಿಯಂತ್ರಣ ಕೊಠಡಿಯ ಸಹಾಯವಾಣಿಗಳನ್ನು ಸ್ಥಾಪಿಸಲಾಗಿದ್ದು, 24/7 ಕಾರ್ಯನಿರ್ವಹಿಸುತ್ತದೆ.

7. ಮಾಹಿತಿ, ಶಿಕ್ಷಣ ಮತ್ತು ಸಂವಹನ(IEC):

Ø ನಗರದ ಕೋವಿಡ್ ಸ್ಥಿತಿಗತಿ ಕುರಿತ ದೈನಂದಿನ ಮಾಹಿತಿಯನ್ನು ಸಾಮಾಜಿಕ ಮಾಧ್ಯಮ ಮತ್ತು ಪತ್ರಿಕಾ ಪ್ರಕಟಣೆ ಮೂಲಕ ಪ್ರಕಟಿಸಲಾಗುತ್ತಿದೆ.
Ø ಪ್ರಚಲಿತದಲ್ಲಿರುವ ಮಾರ್ಗದರ್ಶಿ ಸೂತ್ರಗಳ ಪ್ರಕಾರ ಸೆಲ್ಫ್ ಐಸೋಲೇಷನ್, ಚಿಕಿತ್ಸೆ, ಕೋವಿಡ್ ಸಮುಚಿತ ನಡವಳಿಕೆ ಕುರಿತ ತಿಳಿವಳಿಕೆ ವಿಚಾರಗಳನ್ನು ದೈನಂದಿನ ಆಧಾರದಲ್ಲಿ ಎಲ್ಲ ಗುಂಪುಗಳಿಗೆ ಹಂಚಲಾಗುತ್ತಿದೆ.
Ø ಸಮುದಾಯಗಳು, ನಿವಾಸಿಗಳ ಕ್ಷೇಮಾಭಿವೃದ್ಧಿ ಸಂಘಗಳು, ಶಾಲೆಗಳು ಮತ್ತು ಇತರ ಶೈಕ್ಷಣಿಕ ಸಂಸ್ಥೆಗಳು, ಹೋಟೆಲ್ ಗಳು, ರೆಸ್ಟೋರೆಂಟ್ ಗಳು, ಮಾಲ್ ಗಳೊಂದಿಗೆ ಮಾಧ್ಯಮ ಮತ್ತು ವರ್ಚುವಲ್ ಸಭೆಗಳ ಮೂಲಕ ಆಗಾಗ್ಗೆ ಸಂವಹನಗಳು ನಡೆಯುತ್ತಿವೆ.
Ø ಅಭಿಪ್ರಾಯ ಮತ್ತು ಸಲಹೆಗಳಿಗಾಗಿ ತಜ್ಞರ ಸಮಿತಿಗಳೊಂದಿಗೆ ಮಾತುಕತೆ ನಡೆಸಲಾಗಿದೆ.
Ø ಕೋವಿಡ್ ಸಂಬಂಧಿತ ಇತ್ತೀಚಿನ ಎಲ್ಲ ಮಾಹಿತಿಯನ್ನು ಬಿಬಿಎಂಪಿಯ ಕೋವಿಡ್ ವೆಬ್ ಸೈಟ್ https://apps.bbmpgov.in/covid19/ ಮೂಲಕ ಪಡೆಯಬಹುದಾಗಿದೆ.

7. ನಿರ್ಬಂಧಗಳು:

Ø ರಾತ್ರಿ ಕರ್ಫ್ಯೂ, ವಾರಾಂತ್ಯದ ಕರ್ಫ್ಯೂ ಮತ್ತು ಇತರೆ ನಿರ್ಬಂಧಗಳು ರಾಜ್ಯ ಸರ್ಕಾರದ ಮಾರ್ಗಸೂಚಿಗಳ ಪ್ರಕಾರ ಮುಂದುವರಿಯುತ್ತದೆ.
Ø ಸಾಮಾಜಿಕ ಅಂತರವನ್ನು ಕಾಪಾಡಿಕೊಳ್ಳಲು ಮಾರುಕಟ್ಟೆಗಳನ್ನು ಪ್ರಮುಖ ಪ್ರದೇಶಗಳಿಂದ ಸ್ಥಳಾಂತರಿಸಬೇಕು ಮತ್ತು ಹೆಚ್ಚು ಅಂತರದೊಂದಿಗೆ ತೆರೆದ ಪ್ರದೇಶಗಳಲ್ಲಿ ಇರಿಸಬೇಕು. ಅದಕ್ಕೆ ಸಂಬಂಧಿಸಿದ ಮಾರ್ಗಸೂಚಿಗಳನ್ನು ಆದಷ್ಟು ಬೇಗ ಹೊರಡಿಸಬೇಕು.
Ø ನಿವಾಸಿಗಳ ಕ್ಷೇಮಾಭಿವೃದ್ಧಿ ಸಂಘಗಳು/ಅಪಾರ್ಟ್ಮೆಂಟ್‌ಗಳಿಗೆ ಪರಿಷ್ಕೃತ ಸಲಹೆಗಳನ್ನು ಜಾರಿಗೆ ತರಲಾಗಿದ್ದು, ಅದನ್ನು ತ್ವರಿತವಾಗಿ ಹೊರಡಿಸಲಾಗುವುದು.
Ø ಪೇಯಿಂಗ್ ಗೆಸ್ಟ್ ಗಳು, ಹಾಸ್ಟೆಲ್‌ಗಳು ಇತ್ಯಾದಿಗಳಲ್ಲಿ ಹಲವು ಕೋವಿಡ್ ಪ್ರಕರಣಗಳನ್ನು ಗುರುತಿಸಿರುವುದರಿಂದ, ಹಾಸ್ಟೆಲ್‌ಗಳು ಮತ್ತು ಪೇಯಿಂಗ್ ಗೆಸ್ಟ್ ಗಳ ಮೇಲೆ ಹೆಚ್ಚಿನ ನಿರ್ಬಂಧಗಳನ್ನು ವಿಧಿಸಲಾಗುತ್ತದೆ. ಪರಿಣಾಮಕಾರಿ ನಿಯಂತ್ರಣವನ್ನು ಖಚಿತಪಡಿಸಿಕೊಳ್ಳಲು, ಅದರ ಬಗ್ಗೆ ಆದೇಶಗಳನ್ನು ಶೀಘ್ರವಾಗಿ ಹೊರಡಿಸಲಾಗುತ್ತದೆ.
Ø ಕೋವಿಡ್ ಸಮುಚಿತ ವರ್ತನೆ ಜಾರಿಗೊಳಿಸಲು ಮತ್ತು ಕಣ್ಗಾವಲು ಸಹಾಯಕ್ಕಾಗಿ 580 ಮಾರ್ಷಲ್‌ಗಳು ಮತ್ತು 1217 ಹೋಮ್ ಗಾರ್ಡ್ ಗಳನ್ನು ಪಾಲಿಕೆಯ ಎಲ್ಲಾ 8 ವಲಯಗಳಲ್ಲಿ ನಿಯೋಜಿಸಲಾಗಿದೆ.